Җәмгыять 12 июль 2021 15:16

Татарстанда яшенле яңгыр һәм көчле җил аркасында янә шторм кисәтүе игълан ителде

Төнге сәгатьләрдә һава температурасы +11, +16, көнбатышта +19, көндез исә +26, +31 градус тәшкил итәчәк.

Скопировать ссылку

(Казан, 12 июль, «Татар-информ»). Иртәгә, 13 июльдә, Татарстан территориясендә һава шартларының бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Төнлә һәм көндез республикада, шул исәптән Казанда, кыска вакытлы яшенле яңгыр, боз явуы, төньяк-көнчыгыштан искән җилнең тизлеге урыны белән секундына 15-20 метрга кадәр көчәюе көтелә.

Моннан тыш, 13.00 сәгатьтән 22.00 сәгатькә кадәр кайбер урыннарда җилнең тизлеге секундына 24 метрга кадәр җитүе ихтимал, дип кисәтә синоптиклар.

Төнге сәгатьләрдә һава температурасы +11, +16, көнбатышта +19, көндез исә +26, +31 градус тәшкил итәчәк. Республиканың көньяк-көнбатышында җылырак булачак.

Метеорологларның якынча фаразларыннан күренгәнчә, Татарстанда атна уртасына кадәр җылы, әмма тотрыксыз һава торышы саклана. Яшенле яңгыр, боз явуы һәм көчле җил көтелә.

Сәхифәләр

Татарстанда яшенле яңгыр һәм көчле җил аркасында янә шторм кисәтүе игълан ителде