Татарстанда кар явуы көтелә

Атна ахырында бераз суытачак.

(Казан, 12 февраль, «Татар-информ»). 13 февральдә Татарстанда бераз кар яварга мөмкин. Температура үзгәрешсез кала диярлек. Төнлә һава температурасы -7…-12 градус, көндез -3…-8. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Фаразлаулар буенча, атна ахырында Татарстанда уртача салкын һава булачак. Төнлә һава температурасы -9…-14 градус, ә көнчыгыш районнарда -20 градус. Көндез температура -5…-10 градус. Урыны белән кар яварга мөмкин.