news_header_top_970_100
16+
news_header_bot_970_100

Синоптиклар Татарстанда боз явар һәм көчле җил булыр дип фаразлый

Республикада җилнең тизлеге көчәйгәндә секундына 23 метрга кадәр җитәргә мөмкин.

Синоптиклар Татарстанда боз явар һәм көчле җил булыр дип фаразлый
Михаил Захаров

(Казан, 9 июль, «Татар-информ»). Иртәгә, 10 июльдә, Татарстан территориясендә яшенле яңгыр, көчле җил һәм урыны белән боз явуы көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Һава шартлары төнлә һәм көндез начараерга мөмкин. Яшен вакытында җилнең тизлеге 18-23 метрга кадәр җитүе ихтимал. Көндез урыны белән боз явуы көтелә.

Татарстан башкаласында «2020 елның 10 июлендә иртән һәм көндез урыны белән яшенле яңгыр көтелә, яшен вакытында җилнең тизлеге секундына 16-21 метрга кадәр җитәргә, урыны белән боз яварга мөмкин», дип хәбәр итә ТР Гидрометеорология һәм әйләнә-тирә мохитне күзәтү идарәсенең матбугат хезмәте.

«Татар-информ» агентлыгы бүген Казанда температура рекорды куелуы хакында хәбәр иткән иде инде.

autoscroll_news_right_240_400_1
autoscroll_news_right_240_400_2
news_bot_970_100