Синоптиклар Татарстанда томан һәм бозлавык булуы турында кисәтә

Көндез һава температурасы +2...+7 градуска кадәр күтәреләчәк.

(Казан, 9 март, «Татар-информ»). Иртәгә Татарстан территориясендә һәм Казанда томан төшүе ихтимал. Төнлә һәм иртән юлларда бозлавык була. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

10 мартта төнлә һава температурасы якынча нульгә кадәр төшәчәк. Көндез һава температурасы +2...+7 градуска кадәр күтәреләчәк.

Шулай ук яңгыр явуы көтелә.

«Татар-информ» мәгълүмат агентлыгы Россиядә язгы айлар нормадан җылырак булачагын хәбәр иткән иде.