news_header_top_970_100
16+
news_header_bot_970_100

Россиядә җылы җәй көтелә

Уртача температура 20-25 градус җылы булачак.

Россиядә җылы җәй көтелә
архив/Михаил Захаров

(Казан, 9 март, «Татар-информ»). Киләсе җәйдә Россиянең Европа территориясендә яхшы һава шартлары булачак. Бу турыда «Фобос» һава торышы үзәге белгече Евгений Тишковец сүзләренә сылтама белән РИА-Новости хәбәр итә.

Синоптик 2019 елның августында кышка фаразлар төзегәндә яңа технология кулланган. Тишковец сүзләренчә, кышка 4 ай кала, аның җылы булачагы билгеле булган.

«Күргәнегезчә, нәкъ шулай булды. Хәзер җәйге сезонга фаразлар ясыйм», дип сөйләде синоптик.

Россиянең Европа территориясенең күпчелек өлешендә җәй һава температурасы күпьеллык күрсәткечләрдән бер-ике градуска җылырак булачак. Тишковец аңлатканча, Россиядә уртача температура 20-25 градус җылы булачак.

«Температура 21-26, 22-27 градус тәшкил итәчәк. Бу климат уңайлыгының идеаль зонасы. 27 градустан югарырак булган бөтен нәрсә — организм өчен стресс», — диде синоптик.

Аның сүзләренчә, үзәктә яшәүчеләр инде күптән яхшы җәйне күрмәгән. Быелгы җәйдә гел 27 градус җылы булмаячак. Шул ук вакытта, яңгыр, яшен һәм боз яварга мөмкин. Моннан тыш, ул давылларның да җәй өчен гадәти күренеш булуын әйтте.


autoscroll_news_right_240_400_1
autoscroll_news_right_240_400_2
news_bot_970_100