Татарстанда +12 градуска кадәр җылытачак

Республикада урыны белән явым-төшем булуы ихтимал.

(Казан, 8 апрель, «Татар-информ»). Татарстанда +12 градуска кадәр җылытачак. Бу хакта ТР Гидрометеорология үзәге хәбәр итә.

Урыны белән юеш кар, көндез яңгыр явуы ихтимал. Җил булачак, ул көн дәвамында төньяк-көнбатыштан көньяк-көнбатышка юнәлешне алмаштырачак. Кич белән регионның көнчыгышында ул көчәячәк, секундына 15-17 метрга кадәр җитәчәк.