Татарстанда аномаль җылы һава торышы саклана

Термометр баганалары көндезге сәгатьләрдә +27 градуска кадәр күтәреләчәк.

(Казан, 7 май, «Татар-информ»). Бүген Татарстанда элек урнашкан бик җылы һава торышы саклана. Бу хакта ТР Гидрометеорология үзәге хәбәр итә.

Якын атмосфера фронты йогынтысында урыны белән, бигрәк тә республиканың көнбатыш территориясендә, яңгыр явуы ихтимал. Көньяк-көнчыгыштан талгын җил булачак, урыны белән секундына 15-17 метрга кадәр көчәячәк.

Һава температурасы 22-27 градуска кадәр җылыначак.