КФУ профессоры: Атна азагына кадәр һава температурасы 20 градустан югары булачак
Юрий Переведенцев 9 Май бәйрәменә дә һава торышы җылы булачагын әйтте.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 6 май, «Татар-информ», Гөлнар Гарифуллина). Атна азагына кадәр Казанда көндез һава температурасы 20 градустан югары булырга мөмкин. КФУның Метеорология, климатология һәм атмосфера экологиясе кафедрасы мөдире, профессор Юрий Переведенцев «Татар-информ» агентлыгында матбугат конференциясендә шул хакта сөйләде.
Аның сүзләренчә, аномаль һава температурасы урнаша, ягъни норма күрсәткечләре белән аерма җиде градус тәшкил итә. «9 Май — Җиңү көнендә дә җылы һава торышы көтелә. Көндез температура 22 градуска кадәр күтәрелер дип фаразлана. 10 майга каршы төндә 13 градус җылы булырга мөмкин», — диде Юрий Переведенцев.
Белгеч алдагы ун көнлектә уртача һава температурасы 16 градус тирәсе булачагын әйтте.