Татарстан синоптиклары томан һәм бозлавык турында кисәтә

Төбәк территориясендә салкын һава торышы саклана.

(Казан, 6 март, «Татар-информ»). Иртәгә, 7 мартта, Татарстан территориясендә һава шартлары начарлануы көтелә.  

Төнлә һәм иртән республика буенча урыны белән томан төшәчәк. Моннан тыш, төнлә һәм көндез юлларда бозлавык хасил булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Метеорологларның якынча фаразлары буенча, төбәктә салкын һава торышы сакланачак.

«Татар-информ» агентлыгы хәбәр иткәнчә, Роман Вильфанд Татарстанда март аенда һава температурасының бер күтәрелеп, бер төшеп торуы турында сөйләде.