Татарстан синоптиклары көчле җил хакында кисәтә

Республикада җилнең тизлеге урыны белән секундына 17 метрга кадәр җитәчәк.

(Казан, 5 май, «Татар-информ»). Иртәгә, 6 майда, көндезге сәгатьләрдә Татарстан территориясендә урыны белән көньяк-көнчыгыштан һәм көньяктан көчле җил исәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Синоптиклар тараткан һава шартларының начараюы хакындагы кисәтүдә искәртелгәнчә, республиканың кайбер районнарында, шулай ук Казанда җилнең тизлеге урыны белән секундына 15-17 метрга кадәр җитәчәк.