Синоптиклар Татарстанда бозлавык һәм кар көртләре хакында кисәтте
Республикада томан төшүе көтелә.
Скопировать ссылку
(Казан, 5 гыйнвар, «Татар-информ»). 6 гыйнварда төнлә һәм иртән Татарстан территориясендә урыны белән томан төшүе көтелә, аерым районнарда бозлавык саклана. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Шулай ук төнлә һәм көндез юлларда бозлавык һәм кар көртләре барлыкка киләчәк.
Республика Дәүләт автоинспекциясе машина йөртүчеләрне артык ихтыяҗ булмаганда шәһәрдән чыкмаска чакыра. Юлда куркыныч хәл килеп туса, 8 (843) 5-333-888 телефоны буенча шалтыратырга кирәк. «Татар-информ» агентлыгы бу хакта хәбәр иткән иде инде.