Синоптиклар Татарстан территориясендә томан төшүе турында кисәтә

Күз күреме 500 метр тәшкил итәчәк.

(Казан, 3 ноябрь, «Татар-информ»). Иртәгә Татарстан территориясендә томан төшәчәк дип фаразлана. Күз күреме 500 метр тәшкил итәчәк. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Алмашынучан болытлы һава көтелә. Явым-төшем ихтималы аз. Җил көньяк-көнчыгыштан көньяк-көнбатышка күчүчән, уртача тизлектә исәчәк.

Төнлә һава температурасы +1…-4 градус булуы көтелә, ә көндез +3…+8 градуска кадәр күтәреләчәк.