Татарстан синоптиклары янә бозлавык һәм томан турында кисәтә
Республика территориясендә дымлы һәм чагыштырмача җылы һава торышы сакланачак.
Скопировать ссылку
(Казан, 3 гыйнвар, «Татар-информ»). Иртәгә, 4 гыйнварда, Татарстан территориясендә янә һава шартларының бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республика территориясендә, Казанны да кертеп, юлларда урыны белән бозлавык барлыкка киләчәк, дип искәртә метеорологлар.
Моннан тыш, синоптикларның мәгълүматлары буенча, төнге һәм иртәнге сәгатьләрдә аерым районнарда томан төшәчәк.
Шул ук вакытта, республикада дымлы һәм чагыштырмача җылы һава торышы сакланачак.