Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗе районында 100 гектар мәйданда агач утыртылачак
7, 8 майда районда «Хәтер бакчасы» акциясе старт ала.
(Әгерҗе, 1 май, «Татар-информ», «Әгерҗе хәбәрләре»). Бу көннәрдә Әгерҗе районы урманнарын арендага алган «Ак Барс» урман эшкәртү компаниясе» һәм «Хазар» ширкәтләре хезмәткәрләре агач утырту белән мәшгуль. Әлеге эш Девятернядан башлап Әгерҗегә кадәр булган барлык урман мәйданының 100 гектардан артыгында башкарылачак.
«Күбесенчә кышын агачлар күпләп киселгән участокларга үсентеләр утырту каралган», — ди «Әгерҗе урманчылыгы» учреждениесе җитәкчесе Владимир Ишмуратов.
Ә үсентеләр өчен Красный бор урманчылыгы питомнигында хезмәт куючылар җаваплы. Биредә орлыктан 0,3 гектар мәйданда нарат, чыршы үстергәннәр.
Җиңү бәйрәме алдыннан, ягъни 7, 8 майда районда «Хәтер бакчасы» акциясе старт ала. Ул — Бөек Ватан сугышында катнашканнар, һәлак булганнар, туган якларга кайткач гомерләре өзелгән батыр якташлар хөрмәтенә уздырылучы чара.
«Аның кысаларында Әгерҗедә, авылларда якынча ике мең төп ылыслы һәм яфраклы агач үсентесе утыртылыр дип күзаллана. Акциядә олысы-кечесе актив катнашыр дип ышанабыз», — ди Владимир Леонидович.
Тулырак: http://agryz-rt.ru/news/yashaesh/gere-rayonynda-agach-utyrtu-bashlandy
Кызыклы яңалыкларны күзәтеп бару өчен Телеграм-каналга язылыгыз