Татарстан синоптиклары буран һәм бозлавык турында кисәтә
Республикада көндез һава температурасы 0 градустан -5 градуска кадәр төшәчәк.
Скопировать ссылку
(Казан, 20 ноябрь, “Татар-информ”). Иртәгә, 21 ноябрьдә, Татарстанда урыны белән, шул исәптән Казанда да, иртән һәм көндез буран көтелә.
Җил төньяк-көнбатыштан секундына 16 метрга кадәр җитәчәк. Бу хакта Татарстан Гидрометеорология һәм әйләнә-тирә мохитне күзәтү идарәсенең һава торышы бозылу турында таратылган хәбәрендә әйтелгән.
Моннан тыш, юлларда урыны белән бозлавык булуы көтелә.
Төнлә 8 градус салкын булачак. Көндез һава температурасы 0 дән -5 градуска кадәр төшәчәк.