Эчкендә булып кайткан Разил Зиннәтуллин: Андагы халык өчен тормыш яңадан башланган кебек
Бөтендөнья татар конгрессы Башкарма комитеты җитәкчесе урынбасары Разил Зиннәтуллин янгында каза күргән Йолдыз (Эчкен) авылына гуманитар ярдәмне озата барды. Ул үзенең хис-кичерешләре белән уртаклашты.
«Халкыбызда «карактан кала, янгыннан калмый» дигән сүз бар. Шуны аңлар өчен анда бару җитте. Анда берни дә калмаган. Кеше ничә еллар гомер иткән, мал-мөлкәт җыйган һәм берничә минут эчендә барысы да юкка чыккан. Без бөтен авылны йөреп чыктык. Фото, видеодан күргәндә бер төрле кабул итәсең, ә инде үз аякларың белән көл өстеннән йөргәндә – бөтенләй икенче хисләр. Алар өчен тормыш яңадан башланган кебек», – дип сөйләде ул «Татар-информ» мәгълүмат агентлыгында узган матбугат очрашуында.
Фото: © Рамил Гали
Аның сүзләренчә, гуманитар ярдәмне кешеләр сөенеп, күз яшьләре белән каршы алган. Авылда үз эшенә бирелгән, актив кешеләрнең булуына сөенүен әйтте. «Ярдәм дәвам итәр, дип ышанам», – ди урынбасар.
Ул ярдәм җыела торган фонд турында күбрәк мәгълүмат бирергә кирәк, дигән фикердә. Ярдәм җибәрү өчен реквизитлар:
Республиканский общественный фонд «Всемирного конгресса татар»,
ИНН 1653007500 / КПП 165501001
Контакты (для справок):Тел: 8 (843) 299-77-18, 236-51-84, 236-59-16 Эл. почта: gulnara.vkt@mail.ru
Руководитель: Директор, Сабиров Артур Валерьевич
Отделение «Банк Татарстан» №8610 ПАО Сбербанк г. Казань р/с 40703810162020100015
БИК 049205603 к/с 30101810600000000603
Назначение платежа: «Пожертвование для оказания помощи пострадавшим от стихийного бедствия жителям с. Юлдус (Шадринский МО Курганской области). Без налога (НДС)»