Эчке эшләр министрлыгы Казанның ике архитектура һәйкәлендә чыккан янгынның сәбәбен әйтте
Өч сәгать аерма белән Казанда ике тарихи бина янды.
Скопировать ссылку
(Казан, 12 апрель, «Татар-информ»). Бүген Казан үзәгендә килеп чыккан ике янгынның беренчел сәбәпләрен «Татар-информ» мәгълүмат агентлыгына Татарстан буенча Россия Эчке эшләр министрлыгы баш идарәсе матбугат үзәге хәбәр итте.
Тукай урамындагы «Бертуган Крестовниковлар» фабрика-сәүдә ширкәте йортындагы янгынның килеп чыгуы электр техникасы комплексы белән бәйле дип фаразлана.
Икенче янгын килеп чыккан «Баһаутдинов-Апанай (Мәрҗәни) йорты, 1873 елгы» саклауда булмаган, аңа керү ирекле булган. Татарстан буенча Россия Эчке эшләр министрлыгы баш идарәсе матбугат үзәге хәбәр итүенчә, янгын чыгуның төп сәбәбе - билгесез затларның ут белән саксыз эш итүе.
