Хәвеф-хәтәр 10 ноябрь 2016 16:51

Эчке эшләр министрлыгы исерек хәлдә руль артына утыручыларны 3 елга колониягә озатырга җыена

Исерек хәлдә машина белән идарә иткән өчен җәза катгыйланачак.

Скопировать ссылку

(Казан, 10 ноябрь, "Татар-информ"). РФ Эчке эшләр министрлыгында исерек хәлдә руль артына утырып машина белән идарә иткән өчен җәзаны катгыйлату турында уйлыйлар. Андый кешеләрне ирекләреннән өч елдан артык вакытка мәхрүм итү турындагы мәсьәлә өйрәнелә, дип белдергән министрлык башлыгы Владимир Колокольцев. Бу хакта "Интерфакс" хәбәр итә.

"РФ Эчке эшләр министрлыгында хокук бозуның әлеге төре өчен җаваплылыкны арттыру мәсьәләсе карала, анда иректән мәхрүм ителүне өч елдан арттыру турында сүз бара", – дигән Владимир Колокольцев "Россия 24" (ВГТРК) телеканалына биргән интервьюсында.

"Шулай итеп, әлеге хокук бозу уртача разрядка карый торган булачак һәм аның нәтиҗәләре дә җиңел булмаячак", – дип өстәгән ул.

#юл-транспорт кагыйдәләре

Сәхифәләр

Эчке эшләр министрлыгы исерек хәлдә руль артына утыручыларны 3 елга колониягә озатырга җыена