Хәвеф-хәтәр 26 июль 2017 16:54

Эчке эшләр министрлыгы балалар үлгән юл һәлакәтләре буенча тәүлек эчендә эш ачарга боерды

Министрлык башлыгы Владимир Колокольцев тикшерү органнары җитәкчеләренә әлеге боерыкны бүген җиткерде.

Скопировать ссылку

(Казан, 26 июль, "Татар-информ"). Россия Эчке эшләр министрлыгы башлыгы Владимир Колокольцев тикшерү органнары җитәкчеләренә балалар үлгән юл-транспорт һәлакәтләре буенча бер тәүлек эчендә җинаять эше ачарга боерды. Бу хакта бүген, 26 июльдә, министрлыгының рәсми вәкиле Ирина Волк хәбәр итте, дип яза “Известия”.

Элегрәк Мәскәү янындагы Балашиха шәһәрендә зур шау-шу тудырган юл-транспорт һәлакәтендә алты яшьлек малай һәлак була. Бала бабасы белән өенә кайтып барганда, өенең ишегалдында аны машина бәрдереп китә. Соңрак малайның канында алкоголь табыла, ә үлем белән тәмамланган юл-транспорт һәлакәте буенча җинаять эше бер ай буе кузгатылмыйча тора.

#Юл һәлакәте #бала үлеме

Сәхифәләр

Эчке эшләр министрлыгы балалар үлгән юл һәлакәтләре буенча тәүлек эчендә эш ачарга боерды