Джамар Смит: "УНИКС" командасы Европа Кубогының плей-оффына эләкмәскә мөмкин
Казан клубының Америка сакчысы Европа кубогы матчында җиңү турында сөйләде.
(Загреб, 24 гыйнвар, “Татар-информ"). Казанның "УНИКС" баскетбол командасы Европа Кубогының плей-оффына эләкмәскә мөмкин. Клубның иң яхшы снайперы - Америка сакчысы Джамар Смит шулай дип уйлый.
Ул Европа кубогы Топ-16 да “Цедевита”ны җиңү турында сөйләде. (100:83). Ул үзе 16 очко җыйды. Смит казанлыларда плей-оффка эләгү өчен "УНИКС" командасына комачауларга мөмкин булган проблемалар барлыгын ассызыклады.
"Минемчә, без 40 минутның беренче 30 минутын яхшы уйнадык, - диде Джамар. - Тик Европа кубогы плей-оффына чыгу өчен безгә тагын да игътибарлырак булырга кирәк. Һәм җиңәр өчен күп эшләргә һәм дөрес юлда калырга кирәк. Әлегә безнең проблемалар бар, бу дүртенче чиректә күренде".
Казанлыларның соңгы чирек башындагы уныңсызлыгына кайтсак, көндәшләр командасы хуҗалар исәбенә булган аерманы 20дән 7 очкога киметтеләр, Смит уйлавынча, алга таба мондый очракларны булдырмаска кирәк.
"Без исәпне алып бардык, әмма аннан соң азрак энергия белән уйный башладык, шуның өчен зур энергия белән уйнаган көндәшебездән җәза алдык. Безгә мондый очраклардан качарга кирәк", - дип билгеләп үтте баскетболчы.