Двигательле коляскада утырган инвалидларны җәяүлегә тиңләделәр
Министрлар Кабинеты Юл хәрәкәте кагыйдәләрендә “Җәяүле” аңлатмасына ачыклык кертте.
(Казан, 29 ноябрь, “Татар-информ”). Россиядә двигательле коляскада утырган инвалидларны җәяүлеләргә тиңләделәр. Тиешле карар Россия Хөкүмәте рәсми сайтында чыкты.
“Двигатель ярдәмендә хәрәкәткә килә торган инвалид коляскаларында йөрүче кеше җәяүлегә тиңләнә”, - диелгән документка аңлатма язуында.
Моннан тыш, кертелгән үзгәрешләр нигезендә, 1, 2, 3 төркем инвалидлар идарә торган, шулай ук инвалид балаларны йөртә торган транспорт чаралары өчен машина кую урыннарында һәм тукталышларда 10 проценттан да ким булмаган түләүсез урын булырга тиеш.
„Инвалид“ билгесе III төркем инвалид яки инвалидлар төркемен йөртә торган, шулай ук инвалид балаларны йөртә торган транспорт чараларына куелырга мөмкин.
Әлеге категория гражданнарга 3.28 („Тукталыш тыела“), 3.29 („Тукталыш так көндә тыела) һәм 3.30 („Тукталыш җөп көндә тыела) билгеләре кагылмаячак” , — диелгән документка аңлатма язуында.