Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дуслары кибеткә аракы алырга киткән арада Татарстан кешесе елгада батып үлгән
Фаҗига кичә Татарстанның Актаныш районы Татар Ямалы авылында, Агыйдел елгасында килеп чыккан.
«Татар-информ»ның үз хәбәрчесе фаҗига булган урында сөйләгәнчә, кичә өч ир-ат елга буенда кәеф-сафа корып утырган. Аракылары беткәч, икесе кибеткә исерткеч алырга киткән. Кире әйләнеп килсәләр, дуслары – юк, яр буенда әйберләре генә аунап ята. Аны эзләргә керешкәннәр, өенә дә барганнар, әмма нәтиҗәсе булмаган. Шуннан соң коткаручыларга ярдәм сорап мөрәҗәгать иткәннәр.
Урынга 6нчы зона янгын-коткару отряды хезмәткәрләре килгән. Ир-атны бүген унберләр тирәсендә яр буеннан 10 метр ераклыкта 3 метр тирәнлектә табып алганнар. Мәетне яр буена чыгарып, полиция хезмәткәрләренә тапшырганнар.
Ир-атка 40 яшь икәнлеге билгеле.
Кызыклы яңалыкларны күзәтеп бару өчен Телеграм-каналга язылыгыз