Татар дөньясы 22 сентябрь 2024 17:10

Мәскәүнең «Дуслар» татар җыры ансамбле юбилеен билгеләп үтте

Скопировать ссылку

19 сентябрьдә Мәскәүнең «Дуслар» татар җыры ансамбле юбилеен билгеләп үтте. Бу хакта Мәскәү татарлары автономиясе хәбәр итә.

5 ел элек оештырылган иҗат коллективы Мәскәү Татар мәдәни үзәген төрле чараларда уңышлы тәкъдим итә.

«Дуслар» ансамбленең нигез салучысы һәм сәнгать җитәкчесе – Рәисә Кәбирова. Ансамбль апалы-сеңелле Зөлфирә Ильясова һәм Рәисә Кәбированың «Апа-сеңел» вокаль төркеме нигезендә оештырылган.

Ансамбль репертуары нигездә татар халык һәм эстрада җырларыннан, Сара Садыйкова, Мансур Мозаффаров әсәрләреннән, Рөстәм Яхин романсларыннан, автор әсәрләреннән тора. Төркемнең инструменталь составында клавишалар һәм баян бар. Концертлар программасында ялгыз һәм ансамбль башкаруында җырлар, дуэт һәм триолар, диелә хәбәрдә.

Сәхифәләр

Мәскәүнең «Дуслар» татар җыры ансамбле юбилеен билгеләп үтте