Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дүртөйле шәһәрендә «Җырларда да, шигырьләрдә дә туган як чәчәк атсын!» дигән кичә узды
Күптән түгел Башкортстанның Дүртөйле шәһәр китапханәсендә «Кече Ватан өчен файдалы эшләр елы»на багышланган «Җырларда да, шигырьләрдә дә туган як чәчәк атсын!» дип аталган кичә узды.
Анда язучылар, «Дулкын» әдәби-иҗат берлеге әгъзалары, әдәбиятка омтылучы, яңа башлап каләм тибрәтүчеләр, Дүртөйле шәһәренең 4нче мәктәбе укучылары катнашты. Бу хакта Бөтендөнья татар конгрессы матбугат хезмәте хәбәр итә.
Башкортстанның һәм Россиянең Язучылар берлекләре, Халыкара әдәбият фонды әгъзасы Рафаил Хафизов һәм язучы, журналист, туган якны өйрәнүче, Башкортстанның атказанган матбугат һәм киңкүләм мәгълүмат хезмәткәре Илдус Тимерханов кичәнең хөрмәтле кунаклары булды.
Алар һәм Яңа Биектау авылында яшәүче 8 китап авторы Флүрә Газизова, Башкортстанның һәм Россиянең Журналистлар берлекләре әгъзасы Әнисә Ягафәрова тамашачыларга тирән эчтәлекле чыгышларын тәкъдим итте.
Каләм осталары укучыларны әдәбиятны яратырга өндәде, үзләренең фәлсәфи һәм туган якка зур мәхәббәт белән сугарылган шигырьләрен укыды.
Кичәне оештыручы һәм алып баручы Алсу Әхмәтова китап күргәзмәсенә күзәтү ясады, «Туган ягым» дигән мавыктыргыч сорау – җавап уенын үткәрде. Дүртөйле шәһәренең борынгы тарихыннан башлап, бүгенге көнгә кадәр яшәеше, билгеле, данлы шәхесләре турында сораулар яңгырады.
Кичәнең икенче өлешендә «Дулкын» әдәби-иҗат берләшмәсенең җитәкчесе Алсу Әхмәтова үзешчән язучылар һәм аларның иҗаты белән таныштырды. Яңа башлап каләм тибрәтүчеләр Зәһүрә Әбелкарамова, Рәзилә Солтанова, Зәмирә Миронова, Эльвира Шәрипова, Илсөяр Садрыева туган якка багышлап язган иҗат җимешләре белән таныштырды. Зәлия Сәгыйдуллина башкаруында үзе язган «Илешкәем» җыры яңгырады, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз