Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Пушкин картасы»ның яшь лимитын 45 яшькә кадәр арттырырга тәкъдим иттеләр
Дәүләт Думасы мәгариф комитеты вәкиленең беренче урынбасары Михаил Берулава «Пушкин картасы»ннан файдалану өчен максималь яшьне 45 яшькә кадәр арттырырга тәкъдим итә. Бу идея белән ул «Абзац» белән әңгәмә вакытында уртаклашты.
Депутат билгеләп үткәнчә, хәзерге яшьләрнең (Бөтендөнья сәламәтлек саклау оешмасы билгеләгәнчә, хәзер бу 45 яшькә кадәрге кешеләр) эстетик үсешкә ихтыяҗы арта, әмма «Пушкин картасы» белән мәдәни чараларга йөрү мөмкинлеге 22 яшькә кадәрге гражданнарга гына бирелә.
«Пушкин картасы»ннан бөтен яшьләр файдалана алырлык итсәк яхшы булыр иде. Бүгенге көндә яшь буын – ул инде 30 яшь түгел, ә 45 яшь. [Мондый чара] яшьләргә Мәскәүнең һәм башка торак пунктларның мәдәни объектларына активрак һәм зур энтузиазм белән йөрергә өстәмә мөмкинлек бирер иде», – дип белдерде Берулава.
Берулава дәүләт әлеге инициативаны хуплар, дигән ышаныч белдерде һәм аны актив рәвештә алга этәрергә вәгъдә итте.
«Пушкин картасы» — Россиядә яшьләр арасында мәдәни тормышны популярлаштыру һәм аңа ярдәм итү өчен кертелгән дәүләт программасы. Карта федераль акчалар хисабына мәдәни чараларга йөрергә мөмкинлек бирә.
Кызыклы яңалыкларны күзәтеп бару өчен Телеграм-каналга язылыгыз