Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Думада машина белән идарә итү тыелган затлар исемлегендәге үзгәрешләр турында искәрттеләр
Россиядә 2025 елның 1 сентябреннән медицина күзлегеннән автомобиль белән идарә итү тыелган затлар исемлегендәге үзгәрешләр үз көченә. Дәүләт Думасының сәламәтлек саклау комитеты рәисенең беренче урынбасары Леонид Огуль РИА Новости агентлыгына шулай дип белдерде. Бу хакта «Российская газета» яза.
Яңартылган исемлек нигезендә, психологик үсештә гомуми тайпылышлары булган затлар (мәсәлән, аутизм шуңа карый) транспорт чарасы белән идарә итә алмаячак.
Депутат сүзләренчә, әлеге яңалык үзен аклый, чөнки мондый тайпылышлар кешенең автомобиль белән куркынычсыз идарә итү сәләтенә сизелерлек йогынты ясарга мөмкин.
Моннан тыш, Огуль сүзләренчә, исемлектә «ахроматопсия» термины (кешеләр дөньяны аклы-каралы тоннарда күрә торган нәселдән килә торган сирәк авыру) «төсләрне күрү аномалиясенә» алыштырылган.
Ул билгеләп үткәнчә, барлык үзгәрешләр дә гамәлдәге нормаларны ачыклауга һәм актуальләштерүгә юнәлдерелгән. Машина йөртүчеләр өчен алар җитди нәтиҗәләргә китермәячәк.
«Шуны истә тотарга кирәк, медицина тикшерүенең төп максаты - юл хәрәкәте иминлеген тәэмин итү, һәм бу өлкәдәге теләсә нинди үзгәрешләр нәкъ менә шул максатка ирешүгә юнәлдерелергә тиеш», - диде ул.
Кызыклы яңалыкларны күзәтеп бару өчен Телеграм-каналга язылыгыз