Җәмгыять 2 гыйнвар 2023 14:33

Думада мәктәп укучылары өчен кышын транспортта йөрүне бушлай итү тәкъдиме белән чыктылар

Скопировать ссылку

Дәүләт Думасы депутаты Василий Власов (ЛДПР) РФ транспорт министры Виталий Савельевка кышкы чорда мәктәп укучылары өчен җәмәгать транспортында йөрүне бушлай итү тәкъдиме белән мөрәҗәгать юллады. Бу хакта РИА Новости агентлыгы хәбәр итә.

«Кышкы чорда урта гомуми белем бирү мәктәпләрендә укучылар өчен җәмәгать транспортында йөрүне бушлай итү мөмкинлеге турындагы мәсьәләне каравыгызны сорыйм. Чөнки җәмәгать транспортыннан файдалана алмау баланың сәламәтлеге һәм тормышы өчен куркыныч нәтиҗәләргә китерергә мөмкин», - диелә мөрәҗәгатьтә.

Мөрәҗәгатьтә әйтелгәнчә, 2021 елның язында билеты булмаган яки юл хакын түли алмаган 16 яшькә кадәрге балаларны транспорттан мәҗбүри рәвештә төшереп калдыруны тыя торган закон үз көченә керде. Шул ук вакытта, юлга түләмәгән очракта салоннан төшеп калуны таләп итүче җәмәгать транспорты хезмәткәрләренең башбаштаклыгы турында хәбәрләр гаммәви мәгълүмат чараларында әледән-әле дөнья күрә.

Власов билгеләп үткәнчә, мондый очраклар кышкы чорда да күзәтелә.

Сәхифәләр

Думада мәктәп укучылары өчен кышын транспортта йөрүне бушлай итү тәкъдиме белән чыктылар