Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Думада дәүләт хисабына шифаханәдә дәвалана алучы категорияләрне атадылар
Россиядә гражданнарның кайбер категорияләре дәүләт хисабына шифаханә-курорт оешмаларында бушлай дәвалана ала. Бу хакта РИА Новости хәбәр итә һәм Дәүләт Думасының Социаль сәясәт комитеты әгъзасы Светлана Бессараб сүзләрен китерә.
Аның сүзләренә караганда, мондый мөмкинлектән хәрби хәрәкәтләр ветераннары, инвалидлар, инвалид балалар, Бөек Ватан сугышында катнашучылар, шулай ук Чернобыль атом электр станциясендәге һәлакәт һәм Семипалатинск полигонындагы атом-төш сынаулары нәтиҗәсендә радиациядән зыян күрүчеләр файдалана ала. Моннан тыш, һәлак булган яки вафат булган сугыш инвалидларының, Бөек Ватан сугышы катнашучыларының һәм хәрби хәрәкәтләр ветераннарының гаилә әгъзалары шифаханәләрдә бушлай дәвалана ала.
Гражданнар ел саен 1 октябрьгә кадәр социаль хезмәтләр җыелмасын алу формасын сайларга хокуклы – акчалата компенсация буларак яисә шифаханәдә дәвалану һәм ял итү урынына бару һәм кайту өчен түләү рәвешендә.
Кызыклы яңалыкларны күзәтеп бару өчен Телеграм-каналга язылыгыз