Җәмгыять 30 октябрь 2024 11:12

Дума депутаты илдә аракы сату сәгатьләрен көненә ике сәгатькә кадәр киметергә тәкъдим итә

Скопировать ссылку

Россиядә алкоголь сату сәгатьләрен башта көненә – биш, аннары ике сәгатькә кадәр киметергә кирәк. Дәүләт Думасы депутаты Солтан Хәмзәев шундый тәкъдим белән чыкты. Бу хакта РИА Новости агентлыгы хәбәр итә.

Сәясәтче Волгоград өлкәсен мисал итеп китерде, анда исерткеч эчемлекләрне эш көннәрендә бары тик көндезге сәгатьләрдә (12.00 сәгатьтән 14.00 сәгатькә кадәр) генә сатарга рөхсәт итәргә телиләр.

Шул ук вакытта, депутат ял көннәрендә алкоголь сату сәгатьләрен алыштырмаска дигән идея белән килешми. Шул рәвешле, кешеләр товарны запаска сатып алырга мөмкин. «Алкоголь куллануны киметергә, ә моның өчен аны сату вакытын кыскартырга кирәк, - дип искәртте Хәмзәев. - Башта көненә – биш, аннары ике сәгатькә кадәр».

«Иң мөһиме – дөрес импульс бирү һәм төбәк хакимиятенең вазгыятьне яхшы якка үзгәртү теләге. «Аек Россия» методик һәм мәгълүмати ярдәм күрсәтергә әзер», - дип сүзен төгәлләде депутат.

Сәхифәләр

Дума депутаты илдә аракы сату сәгатьләрен көненә ике сәгатькә кадәр киметергә тәкъдим итә