news_header_top
Руc Тат
16+
news_header_bot
news_top
Җәмгыять 2 июнь 2025 20:56

Дума депутаты Гыйльметдинов Яшел Үзәндәге мәктәп һәм көллияткә тикшерү белән килде

Скопировать ссылку

Дәүләт Думасы депутаты Илдар Гыйльметдинов Яшел Үзәндә «Бердәм Россия» халык программасын гамәлгә ашыруны тикшерде. Аның җитәкчелегендә партия десанты 1нче номерлы олимпия резервы спорт мәктәбендә һәм Яшел Үзән суднолар төзү көллиятендә булды. Хәзерге вакытта биредә капиталь ремонт бара. Төркем шулай ук «Ледокол» боз сарае янындагы хоккей тартмасы төзелешенең барышы белән танышты.

«Бердәм Россия» партиясе матбугат хезмәте хәбәр иткәнчә, 1нче номерлы олимпия резервы спорт мәктәбендә капиталь ремонт 2025 елның февралендә башланган. Хәзерге вакытта эшләрнең беренче этабы 75 процентка башкарылган. 900гә якын яшь спортчы һәм тренер әлегә башка мәйданчыкларда шөгыльләнә. Мәктәп бинасының түбәсен һәм диварларын алыштыралар, идәнен ремонтлыйлар. Бу спортчыларга яңа җиңүләргә ирешү өчен уңайлы заманча шартлар булдыру өчен эшләнелә.

«Капиталь ремонт ике ел дәвам итәчәк. Бүгенге көндә спорт залын яңарту эшләре төгәлләнеп килә. Аннары белгечләр административ кабинетларны һәм бинаның фасад өлешен модернизацияләүгә керешәчәк. Спорт мәктәбенә 3 яшьтән 18 яшькә кадәрге балалар йөри – барысы да профессиональ рәвештә спорт гимнастикасы белән шөгыльләнә», - дип сөйләде Яшел Үзән районы Башкарма комитетының спорт бүлеге җитәкчесе Мария Петрова.

Суднолар төзү көллиятендә капиталь ремонтның беренче этабы дәвам итә. Әлеге эшләргә 196 миллион сумга якын акча бүлеп бирелгән. Проект бинаны комплекслы модернизацияләүдән гыйбарәт: түбә, тәрәзәләр, инженерлык челтәрләре, диварлар, идәннәр, түшәмнәр һәм аз токлы системалар яңартыла.

Көллияттә суднолар төзү, судно машиналарын һәм механизмнарын монтажлау һәм техник хезмәт күрсәтү, судно электр җиһазларын һәм автоматика чараларын эксплуатацияләү белгечләрен әзерлиләр. Ремонт эшләренең беренче этабы яңа уку елы башына төгәлләнер дип көтелә.

news_right_1
news_right_2
news_bot