Дин 30 октябрь 2018 20:11

Дубайда, Коръәнне бастыру өчен, "Казан басмасы" үрнәген файдаланалар

Татарстан мөфтие Камил хәзрәт Сәмигуллин Берләшкән Гарәп Әмирлекләрендә Глобаль икътисади саммитта катнаша.

Скопировать ссылку

(Казан, 30 октябрь, “Татар-информ”). Татарстан мөфтие Камил Сәмигуллин Дубай галимнәре белән Казанда Кәлам шәрифне басмага әзерләү буенча шәхси тәҗрибәсе белән уртаклашкан. Бу хакта Татарстан мөселманнары Диния нәзарәте матбугат хезмәте хәбәр итә.

Бу көннәрдә Татарстан мөфтие Камил хәзрәт Сәмигуллин республика Президенты Рөстәм Миңнеханов җитәкчелегендәге делегация составында Берләшкән Гарәп Әмирлекләрендә икътисади саммитта катнаша.

Татарстан мөфтие комиссия утырышына Коръәннең “Казан басмасы”н нәшер итү буенча эксперт рәвешендә чакырылган. Ул Диния нәзарәтенең 2013 елдан алып барылган Коръәнне өйрәнү эшчәнлеге турында сөйләгән.

“Казан басмасы” мөфти башлангычы белән Татарстан мөселманнары Диния нәзарәтендә әзерләнеп, 2016 елда, озак вакытлы тәнәфестән соң, беренче тапкыр дөнья күрде. Комиссия әгъзалары Коръән бастыруның татар традицияләрен файдалана.

Моннан тыш, Дубай белгечләре күренекле татар дин галиме Муса Бигиевнең Коръән кыйраәтләре буенча хезмәтләренә актив мөрәҗәгать итә. Барлык басмаларны гарәп шәехләре Татарстан мөселманнары Диния нәзарәтенең darul-kutub.com электрон китапханәсе сайтыннан алганнар.

#дубай #рөстәм миңнеханов #ислам икътисады саммиты #икътисад #коръән

Сәхифәләр

Дубайда, Коръәнне бастыру өчен, "Казан басмасы" үрнәген файдаланалар