Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ДРКБ табиблары үз органнары суларга комачаулаган баланың гомерен саклап калган
Республика балалар клиник хастаханәсендә бик сирәк һәм куркыныч зәгыйфьлек – тумыштан диафрагма бүсере булган яңа туган балага операция ясаганнар. Бу хакта ДРКБның матбугат хезмәте хәбәр итә.
Сабыйны тууга беренче тәүлектә үк бик авыр хәлдә реанимациягә күчерәләр. Ясалма сулыш аппаратына тоташтыралар.
«Тумыштан диафрагма бүсере булганда, әгъзалар күкрәк читлегенә менеп, үпкәләрне сытып, аларның үсешен боза. Бу, бала тууга беренче сәгатьләрдә үк, сулыш һәм йөрәк-кан тамырлары системасы җиткелекле эшләмәүгә китерә. Заманча медицина казанышларына карамастан, мондый патологияләрнең 40-50 процент очрагы үлем белән тәмамлана», – диләр ДРКБда.
Хирурглар корсак куышлыгы органнарын күчереп, анатомик яктан дөрес хәлгә китереп, диафрагма җитешсезлеген төзәтеп, баланың гомерен коткарып калган.
Табибларның вакытында югары технологияле медицина ярдәме күрсәтүе нәтиҗәсендә, баланы терелтүгә һәм тернәкләндерүгә ирешкәннәр.
Кызыклы яңалыкларны күзәтеп бару өчен Телеграм-каналга язылыгыз