Драматург Мансур Гыйләҗев мөһаҗирлеккә киткән татарларны тәнкыйтьләде
Драматург Мансур Гыйләҗев мөһаҗирлеккә киткән татарларны тәнкыйтьләде һәм язучы, киносценарист буларак үзенең бу тема буенча уйлануын әйтте.
«Мөһаҗирлек темасы - татарны мәңге борчыган тема. Нишләп безнең кардәшләр, авырлык килсә, туган иленнән китә?! Бу тема мине нык борчый. Бу – бүгенге көндә иң актуаль тема», - ди кунак буларак Казан халыкара мөселман кинофестивалендә катнашкан Мансур Гыйләҗев.
«Тормышын ташлап чыгалар да китәләр. Мисаллар янәшәдә: туганнар, дуслар, күршеләр... Яшьләр белән сөйләшеп карагыз – акылдан шашканнар. Аяз Гыйләҗев, Мөхәммәт Мәһдиев нәрсәгә тырышкан? Алар әйләнеп кайтса, бөтенесенең – моннан чыгып китүчеләрнең иманнарын укытыр иде», ди язучы.
Казанда халыкара мөселман киносы фестивале бара.