Бүген Татарстанда яңгыр һәм +17 градуска кадәр җылы булуы көтелә
Скопировать ссылку
16 августта Татарстанда салкынча һәм яңгырлы һава торышы фаразлана. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Көн дәвамында аязучан болытлы һава торышы көтелә, яңгыр явачак.
Көнбатыштан секундына 6-11 метр тизлектә җил исә. Урыны белән аның тизлеге 14 метрга кадәр җитәргә мөмкин.
Көндез термометрның терекөмеш баганасы +12..+17 градуска кадәр күтәреләчәк.