Бүген Татарстанда яңгыр, яшен һәм +32 градуска кадәр эссе булуы көтелә
Скопировать ссылку
5 июльдә Татарстанда алмашынучан болытлы һава торышы фаразлана. Урыны белән кыска вакытлы яңгыр, көндез кайбер урыннарда көчле яңгыр көтелә, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Кайбер районнарда яшенле яңгыр һәм боз явуы ихтимал.
Көньяк-көнчыгыштан секундына 6-11 метр тизлектә җил исә, урыны белән аның тизлеге 15-20 метрга кадәр көчәя.
Көндез максималь температура +27..+32 градус тәшкил итәчәк.