Донбасска барган 25 табиб Казанга кайткан

Скопировать ссылку

Донбасска эш сәфәре белән барган 25 табиб Казанга кайткан. Бу хакта «Татарстан медицинасы» Телеграм-каналы хәбәр итә.

Табиблар эш сәфәреннән кичерешләре белән уртаклашкан. "Һәр тарих истә калырлык. Без сәламәтлекләрен тикшергән кешеләр бик начар шартларда яши - утсыз, су һәм газсыз подвалларда. Алар ярдәм сорап кына түгел, ә эчләрен бушатырга, үз халәтләре белән бүлешергә килде. Бездән өмет, ышаныч белән китүләре сөендерә", - дигән УЗИ табибы Юрий Дзукаев.

25 табиб арасында Республика клиник хастаханәсеннән һәм Казанның 7 нче шәһәр хастаханәсеннән хирурглар, шәфкать туташлары, медбратлар, фельдшерлар, автомобиль йөртүчеләр булган.

"Башкарган эшегез, һөнәри бурычыгызны үтәвегез өчен рәхмәтемне белдерәсем килә", - дигән сәламәтлек саклау министры Марат Садыйков. Барлык табиблар бүләкләнәчәген әйткән.

Сәхифәләр

Донбасска барган 25 табиб Казанга кайткан