Сәясәт 15 ноябрь 2024 12:12

Дональд Трамп Украинадагы низагны җайга салу кирәклеге турында белдерде

Скопировать ссылку

АКШта Президент сайлауда җиңгән Дональд Трамп Украинадагы низагны тәмамларга вакыт дип белдерде. Ак йортның булачак хуҗасы әлеге мәсьәлә буенча тырышып эшләргә вәгъдә бирде. Бу хакта РИА Новости агентлыгы хәбәр итә.

«Без Якын Көнчыгыш буенча да, шулай ук Россия һәм Украина буенча да бик тырышып эшләячәкбез. Моңа чик куярга кирәк. Россия һәм Украинага туктарга вакыт», - диде Трамп.

5 ноябрьдә АКШта Президент сайлау узды, анда республикачы Дональд Трамп җиңде. Ул сайлаучыларның 312 тавышын җыйды, шул ук вакытта җиңү өчен 270 тавыш та җитә иде. Сайлау алды кампаниясе барышында Трамп берничә тапкыр Украинадагы низагны җайга салу һәм сөйләшүләр процессын башлау турында фикерен белдерде.

Трамп 2017-2021 елларда АКШ Президенты вазифасын биләгән иде.

Сәхифәләр

Дональд Трамп Украинадагы низагны җайга салу кирәклеге турында белдерде