Домодедово шәһәре Сабан туе 1 июльдә була
Оештыручылар кунакларны татар гаиләләренең гореф-гадәтләре, йолалары белән таныштырырга җыеналар.
Скопировать ссылку
(Казан,28 июнь,"Татар-информ"). 1 июльдә Мәскәү өлкәсенең Домодедово шәһәрендә Сабан туе узачак.Бу хакта Татарстанның Россия Федерациясендә Тулы вәкаләтле вәкиллеге хәбәр итә.
- Ел саен Домодедово Сабан туе төрле милләттән булган 5 меңләп кешене җыя.
Төп сәхнәдә бәйрәм концерты узачак. Анда Мәскәү һәм Мәскәү яны артистлары һәм иҗат коллективлары, Татарстан кунаклары чыгыш ясар дип көтелә.
Бер мәйданда татар утарын ясау планлаштырыла. Биредә татарларның көнкүреш кирәк-яраклары, милли ризыклары, кул эшләнмәләре, каралтылары белән танышырга мөмкин булачак. Оештыручылар кунакларны татар гаиләләренең гореф-гадәтләре, йолалары белән таныштырырга җыеналар, диелгән әлеге хәбәрдә.
