Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Доцент Балынин 2026 елдан яңа гаилә түләве ничек эшләячәге турында сөйләде
Ике һәм аннан да күбрәк бала тәрбияләүче эшләүче ата-аналарга еллык гаилә түләвен быел түли башлаячаклар. Ул балалы гаиләләргә социаль ярдәм күрсәтү системасының бер өлеше булачак. Бу хакта «RT» белән сөйләшүдә РФ Хөкүмәте каршындагы Финанс университеты доценты Игорь Балынин сөйләгән.
Ул аңлатканча, түләү фактта физик затлар кеременә түләнгән салымның бер өлешен кире кайтарудан гыйбарәт. Аның сүзләренчә, механизм, иң беренче чиратта, аз керемле гаиләләргә – җан башына уртача кереме яшәү төбәгендә билгеләнгән 1,5 яшәү минимумыннан артмаган гаиләләргә ярдәм итүгә юнәлдерелгән.
Эксперт шулай ук түләү алу өчен гаризаны 1 июньнән 1 октябрьгә кадәр бирергә мөмкин булачагын хәбәр итте. Моны «Дәүләт хезмәтләре» порталы аша эшләргә рөхсәт итәчәкләр, ә кирәк булганда – Россиянең социаль фондында яки МФЦда эшләргә булачак. Күпчелек очракта өстәмә документлар бирү кирәк булмаячак.
Биш кешедән торган гаилә (ике ата-ана һәм өч бала) өчен 2026 елда түләү хокукы, әгәр ата-аналарның гомуми кереме 2025 елда аена 136,5 мең сумнан яки елына 1,638 млн сумнан артмаса барлыкка килә.
Ул өстәп әйткәнчә, ата-аналарның тигез кереме булганда – һәркайсының аена 68 250 сум – кире кайтару суммасы бер кешегә елына якынча 57 330 сум тәшкил итәчәк. Бу очракта гаиләгә түләүнең гомуми күләме 114 660 сумга җитәргә мөмкин.
Кызыклы яңалыкларны күзәтеп бару өчен Телеграм-каналга язылыгыз