Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дмитровград Җәмигъ мәчете имам хатыйбына Бөтендөнья татар конгрессы медале тапшырылды
Ульяновск татар милли мәдәни автономиясе рәисе Рәмис Сафин Димитровградта үткән Корбан мәҗлесендә шәһәрнең Җәмигъ мәчете имам хатыйбы Ильяс хәзрәт Мөхетдиновка Бөтендөнья татар конгрессының иң зур бүләген – татар халкы алдындагы казанышлары өчен медален тапшырды. Бүләк аңа халыкны дингә тарту, традицион Ислам кыйммәтләрен җәелдерү юнәлешендә башкарган эшләре өчен бирелде. Бу хакта Бөтендөнья татар конгрессы матбугат хезмәте хәбәр итә.
Быел Ульяновск татарларын җыйган Корбан мәҗлесе юмарт татар бизнесменнары ярдәме белән оештырылды. Мәҗлестә өч йөзгә якын мөселман катнашты. Алар арасыда махсус хәрби операцияда катнашучыларның гаиләләре һәм якыннары да булган, диелә хәбәрдә.
Мәҗлестә Димитровград шәһәр Думасы рәисе Ксения Душкова, шәһәр иҗтимагый палатасы рәисе Марина Макшанцева, Мәләкәс район хакимияте башлыгы Михаил Сенюта, район башлыгы Азат Мидаров, өлкә татар милли мәдәни автономиясе рәисе Рамис Сафин, «Өмет» газетасының баш мөхәррире Исхак Хәлимов катнашкан.
Кызыклы яңалыкларны күзәтеп бару өчен Телеграм-каналга язылыгыз