news_header_top_970_100
news_header_bot_970_100

Дмитрий Медведев Федераль Җыенга Юллама белән мөрәҗәгать итә

Юллама белән мөрәҗәгать итүнең интернет-трансляциясен “Татар-информ” мәгълүмат агентлыгы сайтында күрергә мөмкин

(Казан, 12 ноябрь, «Татар-информ»). Бүген РФ Президенты Дмитрий Медведев Федераль Җыенга Юллама белән мөрәҗәгать итә.
Президентның чыгышы сәгать 12дә Кремль сараенда башлана. Бу Дмитрий Медведевның икенче чыгышы.
Турыдан-туры трансляцияне “Россия” һәм “Беренче” телеканаллары күрсәтә. Юллама белән мөрәҗәгать итүнең интернет-трансляциясен “Татар-информ” мәгълүмат агентлыгы сайтында күрергә мөмкин.
РФнең беренче Президенты Борис Ельцин парламентка 6 тапкыр мөрәҗәгать белән чыкты. Президент Владимир Путин Федераль Җыенга 8 тапкыр мөрәҗәгать итте. Хәзерге Юллама гомуми исәп буенча 16нчы була.
РФ Президенты Юлламасын гаммәви мәгълүмат чараларында яктырту өчен Россиядән һәм чит илдән 400гә якын журналист аккредитацияләнгән.

news_right_column_1_240_400
news_right_column_2_240_400
news_bot_970_100