news_header_top
Руc Тат
16+
news_header_bot
news_top
Җәмгыять 24 гыйнвар 2023 14:17

Дмитрий Песков Россия чикләрен ябу турында сорауга җавап бирде

Скопировать ссылку

Россия кешеләренең илдән чыгуын чикләү мөмкинлеге турында мәсьәлә Кремльдә каралмый. Россия Президенты матбугат сәркатибе Дмитрий Песков шулай дип белдерде.

Чикләрне узып чыгарга кирәк булганда, билгеләнгән датага алдан бронь ясау турындагы закон проектын кабул итәргә җыеналар, Песковка сорауны шул уңайдан бирделәр.

«Юк, [мондый мәсьәлә турында] Кремльдә сөйләшенми. Документ буенча аңлатмалар бирелде, шулардан чыгып эш итәргә кирәк», – дип яза ТАСС Песковның сүзләрен.

Искәртеп узабыз, Дәүләт Думасында «Россия Федерациясендә автомобиль юллары һәм юл эшчәнлеге турында»гы законга төзәтмәләр әзерләделәр. Төзәтмәләрдә каралганча, дәүләт чиген автомобильдә узар алдыннан кешеләргә дата һәм вакытны алдан резервларга туры киләчәк. Ул быелның мартыннан үз көченә керә. Әмма, Дәүләт Думасының Транспорт комитеты җитәкчесе Евгений Москвичев соңрак аңлатып узганча, документ йөк транспортына гына кагылачак.

news_right_1
news_right_2
news_bot