Диния нәзарәте тәравих намазының ни өчен 20 рәкәгатьтән торуын аңлатты
Изге Рамазан аенда мөселманнар төнлә мәчетләрдә таравих намазы укый. Бу намазның ни өчен нәкъ менә 20 рәкәгатьтән торуы турында Казан казые, ТР мөселманнары Диния нәзарәтенең шәригать бүлеге башлыгы Булат Мөбәрәков сөйләде.
«Таравих егерме рәкәгатьтән тора. Әгәр киресен белдерсәк (рәкәгатьнең законлаштырылган саны сигездән артмаска тиеш), бу, ниндидер мәгънәдә, галимнәрнең күпчелегенең гарәп телен белмәүдә гаепләү», – дип язган Мөбәрәков үзенең телеграм-каналында.
Ул аңлатканча, гарәп теленең үзенчәлеге булып, берлек һәм күплек саннарыннан тыш, икеле саны да бар.
«Гарәп телендәге күплек сан – «тәрвиха», ул намазның һәр дүрт рәкәгатьеннән соң тәнәфесләрдә «ял» дип тәрҗемә ителә. Әгәр дә таравих намазының законлаштырылган саны сигез булса, намаз «тәравих» дип аталмас иде, аны «тарвихатан» дип атарлар иде, бу «тәрвих» сүзенең икеле саны. Чөнки намазның сигез рәкәгать ике ял булуны аңлата алыр иде һәм шуннан да артык түгел», – дип өстәде Мөбәрәков.
Исегезгә төшерәбез, мәчетләрдә тәравих намазы төнге намаздан соң ук укыла. Бу намазда Рамазан ае дәвамында бөтен Коръәнне укырга киңәш ителә.