Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Диния нәзарәте Лисичанск һәм Рубежное балаларына ярдәм итү өчен акча җыю игълан итте
Татарстан Диния нәзарәте Казан епархиясе белән берлектә Лисичанск һәм Рубежное (Луганск Халык Республикасы) шәһәрләрендәге балаларга ярдәм йөзеннән акча җыю игълан итте. Акча балалар өчен азык-төлек, гигиена чаралары, киемнәр һәм җиһазлар сатып алуга тотылачак.
ТР Диния нәзарәте матбугат хезмәте хәбәр итүенчә, кирәкле әйберләр исемлеге ата-аналарның теләк-тәкъдимнәреннән чыгып төзелгән. Хәзрәтләр һәм батюшкалар гуманитар йөкне август уртасында Луганск Халык Республикасына озата барачак.
Барлыгы 210 балага ярдәм кирәк. Аларга памперслар, дымлы тастымаллар, бер тапкыр кулланыла торган пеленкалар; гигиена чаралары (балалар кремы; присыпка; колак чистарту өчен таякчыклар; балалар өчен сыек сабын; шампунь), кер юу порошогы; азык-төлек (боткалар, соклар, боламыклар); кечкенә ванналар һәм олы һәм кече йомышны үтәү өчен чүлмәкләргә ихтыяҗ зур. Шулай ук яңа туган сабыйлар өчен караватлар һәм коляскалар; манежлар; матраслар; мендәрләр; юрганнар; урын-җир кирәк-яраклары; уенчыклар һ.б. кирәк.
Акчаны ТР мөселманнары Диния нәзарәтенең «Зәкят» хәйрия фонды җыя. Теләгән һәркем үз өлешен кертә ала, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз