Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Диния нәзарәте җиде дәрестә намаз уку тәртипләрен өйрәнергә чакыра
ТР мөселманнары Диния нәзарәте «Ислам. Беренче адымнар» проектында катнашырга теләүчеләрдән алтынчы тапкыр гаризалар кабул итә башлады.
(Казан, 26 сентябрь, «Татар-информ»). ТР мөселманнары Диния нәзарәте «Ислам. Беренче адымнар» проекты кысаларында җиде дәрестә намаз уку күнекмәләрен һәм ислам дине нигезләрен бушлай үзләштерергә чакыра. Бу хакта ТР Диния нәзарәте матбугат хезмәте хәбәр итә.
Беренче – кереш дәрес 17 нче октябрь көненә билгеләнгән. Дәресләр Татарстан мөфтияте бинасында үтәчәк. Ислам нигезләренә тәҗрибәле хәзрәтләр һәм абыстайлар, ТР мөселманнары Диния нәзарәтенең актив волонтер яшьләре өйрәтәчәк.
Укучылар, «Ислам. Беренче адымнар» проектында катнашып, тәһарәт алу һәм намаз уку тәртипләрен өйрәнәчәк, гакыйдә фәненә караган төп төшенчәләр, Пәйгамбәребез Мөхәммәд салләллаһу галәйһи вә сәлләмнең тормыш юлы, хәләл-хәрам, ураза, хаҗ мәсьәләләре белән танышачак. Укулар 5 декабрьдә, татар халкының гореф-гадәтләренә нигезләнеп, Коръән ашы белән тәмамланачак.
Әлеге дәресләргә теләгән һәркем йөри ала. Яшь буенча чикләүләр юк.
«Ислам. Беренче адымнар» проекты мөфтият тарафыннан беренче тапкыр 2018 елда дәгъват эшчәнлеге кысаларында тормышка ашырылды. Биш сезон дәвамында әлеге курсларда 530 кеше белем алды һәм намазга басты.
Кызыклы яңалыкларны күзәтеп бару өчен Телеграм-каналга язылыгыз