Дин 13 март 2017 12:18

Дингә ышанмаучы аның нинди зур чыганак икәнен аңламый — педагог-психолог Ольга Павлова

"Психологның дини кеше булуы күпләр өчен ачыш", - ди Ольга Павлова.

Скопировать ссылку

(Казан, 13 март, “Татар-информ”, Лилия Локманова). Ислам динен тотмаучылар, гомумән, дингә ышанмаучылар аның ни дәрәҗәдә зур чыганак икәнен аңламый. Педагогия фәннәре кандидаты, доцент, Мәскәү дәүләт педагогия-психология университетында белем бирүче Ольга Павлова шундый фикердә. Бу хакта ул “Ислам дине кысаларында психология” темасына багышланган "түгәрәк өстәл" барышында җиткерде.

“Әгәр дә безгә дингә ышанмый торган кеше килә икән, ул диннең психологик яктан тотрыклы булуында ышанганлык хисенең төп чыганак икәнлеген аңламаска да мөмкин. Психологның үзенең дини кеше икәнен күрсәтүе кайберәүләр өчен хәтта ачыш та була. Кайчагында сүз ислам дине хакында гына түгел, ә гомумән, дингә ышану турында бара. Клиентлар килеп, без диннең ни кадәрле зур чыганак булуын күз алдына да китермәдек, диючеләр дә булды”, - ди Ольга Павлова.

#Дин #Ольга Павлова

Сәхифәләр

Дингә ышанмаучы аның нинди зур чыганак икәнен аңламый — педагог-психолог Ольга Павлова