news_header_top
16+
news_header_bot
news_top

«Динамо-Татарстан» 15 нче тапкыр эчке эшләр министры кубогын яулады

«Динамо-Татарстан» 15 нче тапкыр эчке эшләр министры кубогын яулады
Фото: «Динамо-Татарстан» бөтенроссия физкультура-спорт җәмгыяте

Хокук саклау органнары ветераннары арасында милиция генерал-лейтенанты Салих Япеев истәлегенә багышланган эчке эшләр министры кубогына волейбол буенча XXI Бөтенроссия турнирының җиңүчесе билгеле булды.

Бронза медаль өчен уенда Самара динамочылары Җәзаларны үтәтү федераль хезмәтенең «Динамо-32» спортчыларын 2:1 исәбе белән җиңде.

Финалда исә Татарстан белән Свердловск өлкәсе динамочылары көч сынашты. Киеренке уенда Татарстан динамочылары 2:0 исәбе белән җиңүгә иреште.

Шулай итеп, «Динамо-Татарстан» командасы 15 нче тапкыр министр кубогын яулады.

Волейбол турнирын уздыру тарихында Самара өлкәсе динамочылары – ике тапкыр, Оренбург өлкәсе, ФСБ («Отдушина»), «Динамо» (Чаллы) һәм Пермь крае динамосы – берәр тапкыр җиңгән.

Кичен «Казан» халыкара ат спорты комплексында турнирның җиңүчеләрен, призерлар һәм катнашучыларны, шулай ук аерым номинацияләрдә иң яхшы волейболчыларны бүләкләү тантанасы узачак.

news_right_1
news_right_2
news_bot