Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Димитровградта Татар мәдәнияте һәм татар теле көне узды
3 декабрьдә Димитровград шәһәренең «Восход» Мәдәният һәм ял үзәгендә зур бәйрәм - Татар мәдәнияте һәм татар теле көне узды. Бу хакта Бөтендөнья татар конгрессының матбугат хезмәте хәбәр итә.
Күпмилләтле Димитровград шәһәрендә татарлар – сан ягыннан икенче урындагы милләт. Каланың Татар милли-мәдәни автономиясе үз халкының туган телен, йола һәм гореф-гадәтләрен саклау буенча зур эш башкара.
Татар милли-мәдәни автономиясе ел саен үзара аралашу, бер-берсенең мәдәнияте һәм йолалары белән яхшырак танышу, халыклар арасында тынычлык һәм татулыкны ныгыту өчен төрле милләт вәкилләрен җыя.
Чарада милли-мәдәни автономиянең мактаулы һәм актив әгъзаларын хөрмәтләделәр. Мәдәният йорты фойесында татар халык-гамәли иҗаты күргәзмәсе оештырылды.
Концерт программасында Димитровград шәһәренең 1нче Балалар сәнгать мәктәбе иҗат коллективлары, Бөтенроссия һәм Халыкара бәйгеләрнең лауреатлары чыгыш ясады. Алар татар, рус, мордва, чуваш халык җырларын һәм биюләрен башкарды.
Кызыклы яңалыкларны күзәтеп бару өчен Телеграм-каналга язылыгыз