Мәдәният 15 июнь 2020 14:30

Димитровградта Сабантуй һәм Акатуй бәйрәмнәре онлайн форматында узачак

Бәйрәмнәр Димитровград Халыклар дуслыгы йортының социаль челтәрләрдәге төркемнәре һәм муниципалитетның рәсми сәхифәләрендә трансляцияләнәчәк.

Скопировать ссылку

(Казан, 15 июнь, «Татар-информ»). Димитровградта татар һәм чуваш халкының милли бәйрәмнәре – Сабантуй һәм Акатуй - инде күптән гомумшәһәр күләмендә билгеләп үтелә. Алар, нинди милләттән һәм нинди дин тотуларына да карамастан, шәһәр халкының иң яраткан бәйрәмнәреннән санала. Бу хакта Бөтендөнья татар конгрессы матбугат хезмәте хәбәр итә.

Алар һәрвакытта да Шәһәр көне белән бергә үрелеп бара. Быел исә Ульяновск өлкәсенә күрше төбәкләр – Татарстан Республикасы һәм Чувашия - 100 еллык юбилейларын билгеләп үтә. Шунлыктан әлеге традицион милли бәйрәмнәрне үткәрү үзенчәлекле төс алырга тиеш. Әмма коронавирус пандемиясе аларны киң колач белән билгеләп үтәргә комачаулады. Быелгы башка күп кенә чаралар кебек, Акатуй һәм Сабантуйны да онлайн-режимында үткәрергә туры киләчәк.

#Сабан туе

Сәхифәләр

Димитровградта Сабантуй һәм Акатуй бәйрәмнәре онлайн форматында узачак