Татарстанның Биектау районындагы күлдә 24 яшьлек кыз батып үлгән
Скопировать ссылку
Бүген коткаручылар Татарстанның Биектау районындагы күлдә 24 яшьлек кызның мәетен тапкан. Бу хакта Россия Гадәттән тыш хәлләр министрлыгының ТР буенча Баш идарәсе хәбәр итә.
Фаҗига Шәпше авылы янындагы күлдә булган. Кызның мәетен ярдан 10 метр ераклыкта, 4 метр тирәнлектә табып алганнар. Гадәттән тыш хәлләр министрлыгында билгеләп үтүләренчә, кыз коену өчен җиһазландырылмаган урында су кергән.